夏天，為大家帶黎炎熱嘅天氣同美女，仲有綿綿不盡嘅雨水。
不少龍門好怕落雨打比賽，因為怕甩手，仲有極快嘅球速。落雨玩咩手套好，可以考慮下呢對Elite Aqua-H。呢對手套採用左一款德國專利嘅水戰乳膠EsTec 5005，就算玩到落泳池咁大水，乳膠都將個波啜到實一實。另外有用家問左兩個好實際嘅問題。
1.）呢款乳膠玩乾地得唔得？
答： EsTec 5005 乳膠雖然係一款乳膠，但全乾嘅狀態下同乾地之下發揮同全濕都一樣都係咁啜咁黏。就算連水都唔噴，一樣發揮出極高穩定性。所以版主同其他用家都一致認為呢款乳膠絕對係一款終極全天候乳膠。
2.）耐唔耐磨？
經過版主實測，以及睇過比贊助球員用左幾個月嘅手套，佢地嘅意見係比想像中更加耐磨。就算保羅成二百幾磅日日帶住黎練波飛撲飛足兩個月，都係未見底層。因為比佢用過其他款，乳膠損耗速度相對比Aqua-H更快。所以實質上真係好耐磨。
除左乳膠啜同耐磨都唔足以成為一對頂款手套，仲有接波嘅手型。雖然官方冇標示過採用Pre-Curve Technology 。但帶落去好自然令手掌形成接波嘅形狀。令到每次起手都總會好容易有個靚手型準備接波。另外手背乳膠採用左一款輕巧而且非受水嘅物料，不單止令手套更輕巧，就算手套全濕嘅狀態下比一般Full Latex嘅乳膠更加輕身，吸飽水之後相比其他手套冇咁「墜手」，咁自自然然起手會快啲。
其實Elite Aqua-H仲有好多好貼心嘅設計，令到大家上手後留低好深刻嘅印象。有機會撞到版主歡迎借比大家試下，感受下。
#EliteSportHK #一對靚手套係個Spec形容唔到架
Search